សកម្មភាពថតខារ៉ាអូខេលើកដំបូង

…ជាលើកដំបូងសំរាប់ក្រុមការងារយើងដែលបានចុះថតខារ៉ាអូខេសំរាប់អាល់ប៊ុមក្រុម NS ។
កាលពី ពីរសប្តាហ៍មុន​​​(7-10-2006) យើងបានទៅថត​នៅកន្លែង​ផ្ទុក​កុងទីនឺម្តុំចោមចៅ(ថតបទរបស់ភក្តិ និងបទរបស់ភក្តី)។​

ចប់ពីកន្លែងនោះយើងបន្តទៅវាលចាក់សំរាមស្ទឹងមានជ័យថតបទបទ​ “ សំណៀងលើភ្នំសំរាម” វាជាបទដែលនិយាយអំពីជីវិតអ្នករើសសំរាម។

និយាយអោយពិតទៅចុះទីនោះចំពោះខ្ញុំជាកន្លែងដែលកខ្វក់ជាងគេដែលខ្ញុំមិនធ្លាប់ទៅ។ បរិយាកាស​ស្អុយ​ សំបូរមេរោគ និងអំបែងដបទៀតផង។

ទោះជាយ៉ាងនេះក៍ពួកយើងប្រឹងថតអោយចប់ដែរ។
អូយ៍….បន្ទាប់មកយើងបន្តទៅ IFL​ ទៀត ប៉ុន្តែយប់វាកាន់តែរាត្រីហើយ។នៅ IFL​ ពួកយើងថតបទរបស់ កល្យាណ និងបទរបស់ វីន , “ ឆ្ងាយហើយ” និងបទ​ “ កាកសំណល់ស្នេហ៍” ។ ពួកគេនាំគ្នាផា​ បងវីនថាច្រៀងបទ អាចម៍ស្នេហ៍ ទៅវិញ​….ហាហាហាហា។ តែពីរបទនេះសោះយើង ថតរហូតដល់ម៉ោង ១២យប់ឯណោះ។ ម្នាក់ៗក្សិតអស់អាលីញតាម៉ង…..